1. Уюштурулган жана өткөрүлгөн (аткарылган) иш-чаралар:

1) Кыргыз Республикасынын Президентинин инаугурациялык иш-чарасын уюштуруу жана өткөрүү боюнча тийиштүү материалдар жана даярдык иштер аткарылууда;

2) КР Коопсуздук кеңешинин экономикалык коопсуздукту камсыз кылуу маселеси тууралуу жыйналышын өткөрүү боюнча иштер жүргүзүлүүдө (КР Өкмөтүнүн жетекчилиги менен кеңешмелер өткөрүлүп, мамлекеттик органдарга тийиштүү тапшырмалар берилди);

3) КР Коргоо министрлигин түзүү маселеси боюнча КР КК Генералдык штабынын жана КР Коргоо иштери боюнча мамлекеттик комитеттин жетекчилигинин катышуусу менен кеңешме өткөрүлдү (12-январда, КР Коопсуздук кеңешинин катчылыгында);

4) Кыргыз Республикасынын Президентинин биринчи кезектеги маанилүү чечимдери катары Кыргыз Республикасынын Коргоо министрлигин түзүүнүн максатка ылайыктуулугу жөнүндө Кыргыз Республикасынын Президентинин Жарлыгынын долбоору даярдалып, жакынкы күндөрдө кол коюуга киргизилет.

Кошумча:

— КР Президентинин Аппарат Жетекчисине 2021-жылы Кыргыз Республикасынын Коопсуздук кеңешинде каралуучу маселелер боюнча сунуштар жөнүндө кызматтык кат киргизилди;

—  КР Коопсуздук кеңешинин катчылыгынын тарыхий маалымкатынын долбоору иштелип чыкты;

— КР Коопсуздук кеңешинин катчылыгы тарабынан 2020-жылы аткарылган иш-чаралар тууралуу маалымат даярдалып, тийиштүү бөлүмдөргө жиберилди;

— КР Коопсуздук кеңешинин катчысы 40-өзүнчө аткычтар бригадасына арналган эскерүү иш-чарасына катышты (2021-жылдын 14-январында);

— айрым саясий кызмат орундарын ээлеген кызмат адамдарына карата маалымат даярдалды (мүлктөрү боюнча);

— 2020-жыл ичиндеги коррупциялык жана кызматтык кылмыштар боюнча келтирилген зыянды өндүрүү жөнүндө маалымат даярдалды;

— терроризмге жана экстремизмге каршы аракеттенүү багыты боюнча тийиштүү маалымат даярдалып, улуттук коопсуздук органдарына жиберилди;

2. КР Коопсуздук кеңешинин төмөнкү чечимдерин ишке ашыруу боюнча контролдоо жүргүзүлүп жатат:

КР Коопсуздук кеңешинин катчылыгы тарабынан Кеңештин 20 чечиминин аткарылышына контроль жүргүзүлүп жатат.

Анын ичинен 2 чечим ушул жылдын 24-декабрында кабыл алынды (Кыргыз Республикасынын Президентин шайлоону өткөрүү мезгилинде коомдук жана эпидемиологиялык коопсуздукту камсыз кылуу жана Кыргыз Республикасынын Стратегиялык объектилеринин тизмегине сунуштамалар маселелери боюнча).

Ошондой эле, 2 толук ишке ашырылган (2020-жылдын

24-январындагы № 2 «Кыргыз Республикасынын Стратегиялык объектилеринин тизмеги боюнча сунуштама жѳнүндѳ»; 2020-жылдын

21-мартындагы № 6 «Кыргыз Республикасынын аймагында COVID-19 коронавирустук инфекциясынын жайылышын болтурбоо боюнча кошумча чаралар жөнүндө»).

КР Коопсуздук кеңешинин 18 чечими контролдо турат, ал боюнча квартал сайын 10 числодо Президенттин атына маалымат берилип турат.

Алардын ичинде 8 чечим Кыргыз Республикасынын аймагында коронавирустук инфекциянын таралышынын көйгөйүнө тийиштүү.

Көрсөтүлгөн чечимдер боюнча 2021-жылдын 5-январында жетекчиликке аткарылган иш-чаралар тууралуу маалымат киргизилди.

3. Мамлекеттик органдарда системалуу коррупцияны демонтаждоо боюнча ишти уюштуруу

2020-жылы аткарылган иштерди жыйынтыктоо жана 2021-жылдын

1-кварталына карата иш планын түзүү боюнча КР Коопсуздук кеңешинин Жумушчу тобунун эксперттери менен жумушчу жолугушуу өткөрүлдү.

2021-жылдын 15-январында КР Өкмөтүнүн Аппаратында болгон кеңешмеде тийиштүү мамлекеттик органдарга коррупциялык тобокелдиктерди демонтаждоо боюнча деталдаштырылган Пландардын аткарылышы тууралуу толук маалыматты киргизүү тапшырылды.

4. Кураторлук жүргүзүлүүчү мамлекеттик органдардын ишин координациялоо жана өз ара аракеттенүү боюнча ишти уюштуруу жүргүзүлүп жатат:

1) КР Куралдуу Күчтөрүнүн Генералдык штабы;

2) КР Ички иштер министрлиги;

3) КР Өзгөчө кырдаалдар министрлиги;

4) КР Коргоо иштери боюнча мамлекеттик комитети;

5) КР Улуттук коопсуздук мамлекеттик комитети;

6) КР Мамлекеттик чек ара кызматы;

7) КР Өкмөтүнө караштуу Жазаларды аткаруу мамлекеттик кызматы;

8) КР Өкмөтүнө караштуу Экономикалык кылмыштуулукка каршы күрөшүү мамлекеттик кызматы (Финансы полициясы).

5. Жетекчиликтин жана КР Коопсуздук кеңешинин катчылыгынын дарегине келип түшкөн мамлекеттик органдардын маалыматтары, кайрылуулар, жарандардын арыздары жана даттануулары каралган.

Тийиштүүлүгү боюнча резолюциялар/тапшырмалар даярдалып, мамлекеттик органдар менен иш жүргүзүлүп жатат (аларды карап чыгуу контролго алынган). Айрым маселелер боюнча жарандар кабыл алынууда.

 Бардыгы —  51.

6. Кошумча:

КР ИИМ боюнча Кыргыз Республикасындагы коомдук-саясий жана криминогендик абал боюнча маалыматтар, ошондой эле КР ӨКМ боюнча окуялар тууралуу маалыматтар күн сайын берилип, алар боюнча талдоо иштери жүргүзүлүп турат.

Өлкөдөгү коомдук-саясий процесстерге ачык булактар жана оперативдүү мүмкүнчүлүктөр аркылуу байкоо жүргүзүлүүдө.

2021-жылдын 18-23-январына карата пландалган негизги иш-чаралар

1. Экономикалык коопсуздукту камсыз кылуу маселеси тууралуу КР Коопсуздук кеңешинин жыйналышын өткөрүү боюнча даярдык иштерин жүргүзүү.
2. Кыргыз Республикасынын Президентинин инаугурациялык иш-чарасын уюштуруу жана өткөрүү боюнча тапшырылган иштерди аткаруу;
3. КР Президентинин м. а. атына киргизилген кызматтык каттар боюнча резолюцияга ылайык иштерди жүргүзүү.
4. Кыргыз Республикасынын Коопсуздук кеңешинин чечимдеринде белгиленген тапшырмаларды ишке ашырууга контролдук кылуу (КР Өкмөтүнүн Аппаратынан жана тийиштүү министрликтерден алынган маалыматтарды иликтөө жана жетекчиликке маалымат киргизүү).
5. Кураторлук кылган мамалекеттик органдардын ишин коордунациялоо боюнча иштерди жүргүзүү.
6. Келип түшкөн кайрылуулар, жарандардын арыздары жана дооматтары боюнча иш жүргүзүү, ошондой эле күнүмдүк каттарды карап чыгып, иш алып баруу.
7. Жетекчиликтен алынган башка тапшырмаларды аткаруу.