Кыргыз Республикасынын Президенти Алмазбек Атамбаев бүгүн, 14-мартта, өлкөнүн Улуттук коопсуздук мамлекеттик комитетинин Антикоррупциялык кызматынын директору Улан Исраиловду кабыл алды.

Жолугушууда Мамлекет башчысы коррупциялык кылмыштарды ачуу жана тергөө ишмердигинин уюштурулушу, ошондой эле антикоррупциялык иш-чараларды активдештирүү боюнча мындан аркы пландар тууралуу маалымат алды.

Президент Алмазбек Атамбаев бардык деңгээлдерде коррупцияга каршы күрөштү мындан ары күчөтүү жана антикоррупциялык ишти жакшыртуу зарыл экендигин белгиледи.

2 сүрөт 399.03 kb

Фотогалереяны жүктөө