Сайттан издөө
Сайттан издөө
Кыргыз Республикасынын Президенти

Президент Алмазбек Атамбаевдин атынан 6 миллиончу кыргызстандыктын үй-бүлөсүнө квартира алууга сертификат тапшырылды

Кыргыз Республикасынын Президентинин Аппаратынын Жетекчисинин орун басары Нуржан Шайлдабекова менен  Кыргыз Республикасынын  вице-премьер-министри Гүлмира Кудайбердиева  бүгүн, 28-ноябрда Ош шаарында 2015-жылдын 25-ноябрында төрөлгөн  6 миллионунчу кыргызстандыктын энеси Рахат Белековага жолугушту.

Кыргыз Республикасынын Президенти Алмазбек Атамбаевдин атынан   6 миллионунчу кыргызстандыктын ата-энесин кыздуу болушу менен куттуктап, ымыркайга чың ден-соолук, узун өмүр, ал эми үй-бүлөсүнө  бак-таалай жана бакубатчылык каалашты.

Кыргыз Республикасынын Президентинин Аппаратынын Жетекчисинин орун басары Нуржан Шайлдабекова менен  Кыргыз Республикасынын  вице-премьер-министри Гүлмира Кудайбердиева  Президенттин атынан  алты миллионунчу  кыргызстандыктын   ата-энесине  Ош шаарында 4 бөлмөлүү квартира алууга сертификат жана депозиттик эсеп ачуу үчүн 1 000 000 (бир миллион) сомго сертификат тапшырышты. Андан тышкары Мамлекет башчысынын атынан ымыркайдын ата-энесине 100 000 сом тапшырышты.

2015-жыл 28-ноябрь