Кыргыз Республикасынын Президенти Алмазбек Атамбаев  “Аялдарга жана жашы жетпегендерге  мунапыс жөнүндө” Кыргыз Республикасынын Мыйзамына кол койду.

Мыйзам Кыргыз Республикасынын Жогорку Кеңеши тарабынан 2015-жылдын 21-майында кабыл алынган.

Кабыл алынган Мыйзамга ылайык, эркиндигинен ажыратуу түрүндөгү жазык жоопкерчилигинен жана жазадан, ошондой эле эркиндигинен ажыратуу менен байланышпаган жазалардан төмөнкү аялдар бошотулат:

- үй-бүлөдө жападан жалгыз багуучу болуп саналгандар;

- бир же андан ашык жашы жетпеген балдары барлар;

- багуусунда ден-соолугунун мүмкүнчүлүктөрү чектелүү ата-энелери болгондор;

- 55жаштан ашкан аялдар;

- I жана  II топтогу майыптыгы бар аялдар;

- кош бойлуу аялдар;

Ошондой эле Мыйзамда эркиндигинен ажыратуу түрүндөгү жазык жоопкерчилигинен жана жазадан, ошондой эле эркиндигинен ажыратуу менен байланышпаган жазалардан төмөнкү жашы жетпегендерди бошотуу каралат:

-I жана  II топтогу майыптыгы барлар;

-7 жылга чейинки мөөнөткө биринчи жолу соттолгондор;

-ушул Мыйзам күчүнө кирген күнгө карата жазанын өтөлбөгөн бөлүгү бир жылдан азды түзгөндөр;

-чоң коркунуч келтирбеген жана анча оор эмес кылмыш жасагандар.

Мыйзам расмий жарыяланган күндөн тартып күчүнө кирет жана 6 айдын ичинде аткарылууга тийиш.