Сайттан издөө
Сайттан издөө
Кыргыз Республикасынын Президенти

Кыргызстан Өкмөтү менен БАЭ Өкмөтүнүн ортосундагы Инвестицияларды колдоо жана коргоо жөнүндө макулдашуу ратификацияланды

Кыргыз Республикасынын Президенти Алмазбек Атамбаев “2014-жылдын 7-декабрында Дубай шаарында кол коюлган Кыргыз Республикасынын Өкмөтү менен Бириккен Араб Эмираттарынын Өкмөтүнүн ортосундагы Инвестицияларды колдоо жана коргоо жөнүндө макулдашууну ратификациялоо тууралуу” Кыргыз Республикасынын Мыйзамына  кол койду.

Мыйзам Кыргыз Республикасынын Жогорку Кеңеши  тарабынан 2015-жылдын 30-апрелинде кабыл алынган.

Мыйзамга ылайык Кыргыз Республикасынын Тышкы иштер министрлигине  Бириккен Араб Эмираттарынын Өкмөтүнө Кыргыз Республикасы тарабынан көрсөтүлгөн Макулдашуунун күчүнө кириши үчүн зарыл болгон мамлекеттик ички жол-жоболор аткарылганы жөнүндө белгиленген тартипте кабарлоо тапшырмасы берилди.

Мыйзам расмий жарыяланган күндөн тартып он күн өткөндөн кийин күчүнө кирет.

2015-жыл 29-май