Сайттан издөө
Сайттан издөө
Кыргыз Республикасынын Президенти

Президент Алмазбек Атамбаев Президент Гурбангулы Бердымухамедовду Түркмөнстандын эгемендүүлүк күнү менен куттуктады

Бүгүн, 2014-жылдын 27-октябрында, Кыргыз Республикасынынын Президенти Алмазбек Атамбаев Түркмөнстандын Президенти Гурбангулы Бердымухамедовду Түркмөнстандын эгемендүүлүк күнү менен куттуктады.

Мамлекет башчысынын куттуктоосунун тексти:

“Урматтуу Гурбангулы Мяликгулыевич,

Улуттук майрам - Түркмөнстандын эгемендүүлүк күнүнө байланыштуу чын дилимен чыккан куттуктоолорумду кабыл алыңыз.

Бүгүнкү күндө өлкөлөрүбүздүн ортосунда кызматташууну чыңдоо жана кыйла кеңейтүү үчүн жаңы мүмкүнчүлүктөр ачылып жаткандыгын канааттануу менен белгилейм.

Кыргыз-түркмөндүк өз ара аракеттенишүү мындан ары дагы ачыктыктын, өз ара урматтоонун жана конструктивдүү диалогдун  маанайында ырааттуу жана  ыкчам өнүгөөрүнө терең ишенем.

Урматтуу Гурбангулы Мяликгулыевич, Сизге чың ден-соолук, бакубатчылык жана Сиздин мамлекеттик ишмердигиңизге ийгиликтерди, Түрмөнстандын боордош элине тынчтык жана гүлдөп өнүгүү каалайм.

Урматтоо менен,

Алмазбек Атамбаев”

2014-жыл 27-октябрь