Сайттан издөө
Сайттан издөө
Кыргыз Республикасынын Президенти

Кыргыз Республикасынын Салык кодексине өзгөртүүлөр жана толуктоолор киргизилди

Кыргыз Республикасынын Президенти Алмазбек Атамбаев «Кыргыз Республикасынын Салык кодексине өзгөртүүлөрдү жана толуктоолорду киргизүү жөнүндө» Кыргыз Республикасынын Мыйзамына кол койду.

Мыйзам Кыргыз Республикасынын Жогорку Кеңеши тарабынан 2014-жылдын 27-ноябрында кабыл алынган.

Мыйзам Кыргыз Республикасынын Евразия экономикалык союзга кошулуусуна байланышкан мыйзамдардын пакетине кирет, ага ылайык Кыргыз Республикасынын Салык кодексинин кээ бир ченемдери Евразия экономикалык союзунун келишимдик-укуктук базасына ылайык келтирилет.

Тактап айтканда, Бажы союзунун мүчө-мамлекеттеринин аймагында чарба субъекттеринин ишинин алкагында кыйыр салыктарды башкаруунун жаңы эрежелери киргизилет.

Мыйзам 2014-жылдын 29-майындагы Евразиялык экономикалык союз тууралуу келишимге Кыргыз Республикасынын кошулуусу жөнүндө келишим күчүнө кирген күндөн баштап күчүнө кирет.

2015-жыл 8-январь