Бүгүн, 2012-жылдын 15-февралында, Кыргыз Республикасынын Президенти Алмазбек Атамбаев Өмүралиев Эсенгул Касымовичти Кыргыз Республикасынын Казакстан Республикасындагы Атайын жана Ыйгарым  укуктуу Элчиси кылып дайындоо тууралуу Жарлыкка кол койду.

Кыргыз Республикасынын Президентинин басма сөз кызматы

Маалымдама:

ӨМҮРАЛИЕВ ЭСЕНГУЛ КАСЫМОВИЧ

1950-жылдын 14-сентябрында Ысык-Көл облусунун Тоң районундагы Тоң айылында туулган.

1973-жылы Фрунзедеги политехникалык институтту, 1990-жылы – СССР Министрлер Советине  караштуу Эл чарба Академиясынын квалификацияны жогорулатуу институтун аяктаган.

Кыргыз Республикасынын Инженердик Академиясынын академиги, Эл аралык кадрлар Академиясынын академиги

Мамлекеттик кызматтагы ишмердигин 1991-жылы Кыргыз Республикасынын өнөр жай министри катары баштаган.

Дипломатиялык кызматын 1997-жылы Кыргыз Республикасынын  КМШнын  Уставдык органдарындагы туруктуу өкүлү кызматын  айкалыштыруу менен Кыргыз Республикасынын Беларусь Республикасындагы  Атайын жана Ыйгарым Укуктуу элчиси катары баштаган.

1998-1999-жылдары Кыргыз Республикасынын  тышкы соода жана өнөр жай министрлигин жетектеген.

1999-2000-жылдары- Кыргыз Республикасынын Вице-премьер министри.

2001-2005-жылдары  - Кыргыз Республикасынын Украинадагы Атайын жана Ыйгарым Укуктуу элчиси

2005-2006 -жылдары - Ысык-Көл облустук мамлекеттик администрациянын башчысы-губернатору

2011-жылдан тартып Кыргыз Республикасынын өнөр жай министрлигинин  Коомдук байкоочу кеңешинин мүчөсү.

2011-2012-жылдары –  Кыргыз Республикасынын Өкмөтүнүн Аппаратынын жетекчисинин орун басары рангында Өкмөттүн Жогорку Кеңештеги туруктуу өкүлү

2012-жылдан тартып Кыргыз Республикасынын Премьер-министринин кеңешчиси.

“Кыргыз Республикасынын Атайын жана Ыйгарым Укуктуу Элчиси” дипломатиялык рангына ээ.