Сайттан издөө
Сайттан издөө
Кыргыз Республикасынын Президенти

Эл аралык өнүктүрүү ассоциациясы менен Жылуулук менен камсыздоону жакшыртуу боюнча долбоорду даярдоо үчүн грант берүү тууралуу макулдашуу-катты ратификациялоо жөнүндө мыйзамга кол коюлду

Кыргыз Республикасынын Президенти Алмазбек Атамбаев «Бишкек шаарында 2017-жылдын 7-июнунда кол коюлган  Кыргыз Республикасынын Өкмөтү жана Эл аралык өнүктүрүү ассоциациясынын ортосундагы Жылуулук менен камсыздоону жакшыртуу боюнча долбоорду даярдоо үчүн грант берүү тууралуу макулдашуу-катты ратификациялоо жөнүндө» Кыргыз Республикасынын  Мыйзамына кол койду.

Мыйзам  Жогорку Кеңеш тарабынан 2017-жылдын 28-июнунда  кабыл алынган.

Макулдашуу-кат Жылуулук менен камсыздоону жакшыртуу боюнча долбоорду ишке ашыруу боюнча долбоордук документтерди даярдоо үчүн  грант алуу максатында кол коюлган.

Мыйзам расмий жарыяланган күндөн тартып  он күн өткөндөн кийин күчүнө кирет.

2017-жыл 1-август