Сайттан издөө
Сайттан издөө
Кыргыз Республикасынын Президенти

Бир катар жергиликтүү соттордун судьяларынын ыйгарым укуктары токтотулду

Кыргыз Республикасынын Президенти Сооронбай Жээнбеков кол койгон Жарлыктарга ылайык, Кыргыз Республикасынын Судьялар кеңешинин сунушу боюнча, төмөнкү судьялардын ыйгарым укуктары мөөнөтүнөн мурда токтотулду:

— Нарын облусунун Нарын райондук сотунун судьясы Мамбеталиев Эркинбек Болотбековичтин, ал жергиликтүү соттун судьясынын кызмат ордунан жеке каалоосу менен бошотулду;

— Ош облустук сотунун судьясы Касымалиев Мыктыбек Камчыбековичтин, ал жергиликтүү соттун судьясынын кызмат ордунан жеке каалоосу менен бошотулду.

Мындан сырткары, Кыргыз Республикасынын Судьялар кеңешинин сунушу боюнча, мөөнөтү аяктагандыгына байланыштуу, 2020-жылдын 7-майынан тартып Бишкек шаарынын Райондор аралык сотунун судьясы Бекбаева Нурия Хусаиновнанын ыйгарым укуктары токтотулду.

2020-жыл 13-май