Сайттан издөө
Сайттан издөө
Кыргыз Республикасынын Президенти

Президент Сооронбай Жээнбеков темир жол кырсыгынан көптөгөн жарандардын каза болгондугуна байланыштуу Түркиянын Президенти Режеп Тайип Эрдоганга көңүл айтты

Кыргыз Республикасынын Президенти Сооронбай Жээнбеков Анкара-Конья каттамындагы темир жол кырсыгынын кесепетинен Түркиянын көптөгөн жарандарынын курман болгондугуна байланыштуу Түркия Республикасынын Президенти Режеп Тайип Эрдоганга көңүл айтты.

«Анкара-Конья каттамындагы темир жол кырсыгынын кесепетинен Түркиянын көп сандагы жарандарынын курман болгондугу тууралуу суук кабарды кайгыруу менен кабыл алдым.

Каза болгондордун бир туугандарынын жана жакындарынын орду толгус жоготуу азасын тең бөлүшөм. Бардык жабыр тарткандарга жана жаракат алгандарга тез сакаюуну каалайм», — деп белгиленет  Мамлекет башчынын көңүл айтуу телеграммасында.

2018-жыл 14-декабрь